Policia ka shpërndarë me forcë aktivistët e Lëvizjes Feministe Studentore dhe aktivistë të tjerë të cilët janë duke protestuar që nga mëngjesi para Rektoratit për shkarkimin e profesorit Xhavat Krasniqi i cili dyshohet për ngacmime seksuale ndaj studenteve.
Aktivistet kishin bllokuar hyrjen e Rektoratit duke pamundësuar hyrjet dhe daljet nga ky objekt.
Rron Gjinovci nga ORCA është arrestuar nga Policia, gjatë aksionit për shpërndarjen e aktivistëve.
VIDEO:
Pas shpërndarjes së aktivistëve, anëtarët e Këshillit të Etikës kanë dalë nga objekti nën përcjelljen e Policisë.
Largimi i anëtarëve të Këshillit të Etikës nga Rektorati nën përcjelljen e Policisë (Foto: Driton Paçarada)
Këshilli i Etikës i Universitetit të Prishtinës (UP), pas tri jave pas raportimit të rastit, ka nisur më 28 mars shqyrtimin për herë të parë të denoncimeve të paraqitura nga 27 studente për ngacmim seksual kundër profesorit të Fakultetit të Edukimit, Xhevat Krasniqi. Ani se rregullorja për masat dhe procedurat disiplinore ndaj stafit akademik parasheh që palët të intervistohen brenda pesë ditësh që pas denoncimit të një shkeljeje.
KOHA ka raportuar javë më parë se 27 studente e kanë denoncuar profesorin e Edukimit për sjellje joprofesionale në ambientet akademike. Në ankesën e tyre studentet kanë theksuar se profesori u është drejtuar me sjellje joprofesionale dhe me komente mbi pamjen e tyre fizike.
Protestohet sërish me kërkesën për përjashtimin e Xhevat Krasniqit
Me thirrjet “Ngacmimi seksual është krim”, “Shkarkoni anëtarët e Këshillit të Etikës”, “Mos e normalizoni ngacmimin seksual” dhe thirrje të tjera, Lëvizja Feministe Studentore ka protestuar para Rektoratit të Universitetit të Prishtinës.
Protesta u mbajt me kërkesën për largimin e profesorit Xhevat Krasniqi, i dyshuar për ngacmim seksual të disa studenteve.
Këshilli i Etikës i Universitetit të Prishtinës (UP), pas tri jave pas raportimit të rastit, ka nisur më 28 mars shqyrtimin për herë të parë të denoncimeve të paraqitura nga 27 studente për ngacmim seksual kundër profesorit të Fakultetit të Edukimit, Xhevat Krasniqi. Ani se rregullorja për masat dhe procedurat disiplinore ndaj stafit akademik parasheh që palët të intervistohen brenda pesë ditësh që pas denoncimit të një shkeljeje.
KOHA ka raportuar javë më parë se 27 studente e kanë denoncuar profesorin e Edukimit për sjellje joprofesionale në ambientet akademike. Në ankesën e tyre studentet kanë theksuar se profesori u është drejtuar me sjellje joprofesionale dhe me komente mbi pamjen e tyre fizike.
