Presidentja e Kosovës, Vjosa Osmani, po qëndron në Shtetet e Bashkuara të Amerikës për të marrë pjesë në disa aktivitete që lidhen me agjendën për gratë, paqen dhe sigurinë.
Në një postim në Facebook, Osmani ka thënë se sot ka qëndruar në Institutin Ndërkombëtar Republikan (IRI).
Ku kanë diskutuar mbi bashkëpunimin në fushën e sigurisë, partneritetet, gratë, paqen dhe sigurinë, si dhe të ardhmen e Kosovës.
“Falënderuese si gjithnjë për ftesën dhe për diskutimin dinamik!”, ka shkruar Osmani.
