Kryeministri grek Kyriakos Mitsotakis thirri një takim urgjent të dielën vonë pas një rritjeje të aktivitetit sizmik në rajonin e Ishujve të Egjeut.
Takimi, ku morën pjesë zyrtarë qeveritarë dhe ekspertë, u fokusua në lëkundjet e fundit dhe përgatitjen dhe ndërmarrjen e masave të mundshme në rast të ndonjë tërmeti më të madh.
Sipas të dhënave nga Instituti i Gjeodinamikës së Athinës, më shumë se 380 tërmete të vogla, disa me magnitudë 1.3 dhe të tjerë deri në 4.8 ballë, janë regjistruar në rajon që nga 24 janari.
Ministri i Krizave Klimatike dhe Mbrojtjes Civile, Vasilis Kikilias siguroi publikun se masat e marra deri tani janë parandaluese. Ai u bëri thirrje qytetarëve që të respektojnë vendimet dhe kufizimet e vendosura.
Në ishullin Amorgos në Detin Egje, autoritetet lokale njoftuan pezullimin e mësimit në kopshte dhe shkolla fillore dhe të mesme të hënën. Ngjarjet kulturore u anuluan gjithashtu dhe banorët u këshilluan të shmangin grumbullimin në hapësira të mbyllura, njofton AA.
Masa paraprake u zbatuan edhe në ishullin Santorini, ku u vendosën ekipet e kërkim-shpëtimit, dronët dhe qentë e shpëtimit. U ngritën tenda për ekipet e emergjencës dhe pishinat u thanë për të parandaluar dëmtimin e mundshëm të ndërtesave gjatë një tërmeti, sipas mediave lokale.
