![](https://i0.wp.com/www.fiks.al/wp-content/uploads/2023/06/raci-ministres-hajdari-koncentrohu_6494aa95276e0.jpeg?resize=850%2C478&ssl=1)
Analisti politik Gazmir Raci, ka folur rreth vendimit të ri të Ministrisë së Industrisë, Ndërmarrësisë dhe Tregtisë, përkatësisht Agjencisë për Regjistrimin e Bizneseve të Kosovës, për të pezulluar certifikatën e biznesit të Klan Kosovës.
Ai në Rubikon të Klan Kosovës e ftoi ministren Rozeta Hajdari, që të koncentrohet në punët e dikasterit që udhëheq.
“Ne në Kosovë kemi luftuar shumë për liri, kemi derdhur gjak për liri, jemi vrarë, jemi shpërngulur. Dhe tash çdo tendencë e dikujt, kushdo qoftë ai, me prekë lirinë e këtij populli mendoj se është tendencë shumë e rrezikshme”, tha Raci.
Raci tha se beson se kryeministri i Kosovës Albin Kurti, nuk është plotësisht në ngjarje rreth zhvillimeve me mediat.