Kryetari i Komunës së Prishtinës Përparim Rama, ditën e sotme ka nënshkruar një marrëveshje me drejtoren e shoqatës “Down Syndrome Kosova” për bashkëpunim duke ofruar shërbime për personat me autizëm dhe sindromë Down.
Ai theksoi se qëllimi i kësaj marrëveshje është për përmirësimin e kushteve dhe për integrimin e këtyre personave.
“Së bashku me drejtoren e Shoqatës “Autizmi”, znj. Hatixhe Hoxha dhe drejtoren e Shoqatës “Down Syndrome Kosova”, znj. Sebahate Beqiri nënshkruam marrëveshjen e bashkëpunimit për ofrimin e shërbimeve për personat me autizëm dhe sindromë Down në hapësirat e “Qendrës Ditore Për Rehabilitim, Habilitim dhe Edukim”.
Qëllimi i marrëveshjes është përmirësimi i kushteve për trajtimin dhe integrimin e këtyre personave, përmirësimin e infrastrukturës së nevojshme për ofrimin e shërbimeve të specializuara dhe profesionale si dhe hapësirë adekuate për njerëz të dashur dhe të veçantë.
