Kryeministri i Shqipërisë, Edi Rama, i ka reaguar gazetës amerikane “POLITICO” lidhur me raportimin që kjo gazetë ka bërë për rastin e paprecedent të sjelljes së Ramës ndaj gazetares shqiptare, Ambrozia Meta, gjatë një konference për media.
Rama as sot s’ka kërkuar falje për veprimin e tij, derisa ka thënë se cilësimi i një “përkëdheljeje miqësore mbi supe” si “agresion” dhe më pas edhe si “frikësim”, pa e kërkuar edhe opinionin e gazetarëve që kanë qenë aty të pranishëm, nuk e tregon të vërtetën dhe përveç kësaj, tregon edhe mungesë respekti për “ viktimat e vërteta të agresionit dhe frikësimit në fushën e sotme të gazetarisë”.
Në këtë reagim, kryeministri i Shqipërisë pretendon se situate e sigurisë së gazetarëve është përmirësuar dukshëm, dhe tashmë gazetarët në Shqipëri s’përballen me plumba, dëmtime fizike, frikësime rituale dhe ngacmime sistematike.
Is this how information should work and truth honored?
To label a completely innocent gesture, such as a friendly pat on the shoulder following a normal conversation with the press where all questions were answered without any lack of patience, first as “aggression” and then as…
— Edi Rama (@ediramaal) March 20, 2024
