Duke folur në lidhje me rezolutën për sulmin terrorist serb në Kosovë, gazetari Bledian Koka ka deklaruar se duhej të kishte një kërkesë shtesë tek faktori ndërkombëtar për heqjen e sanksioneve ndaj Kosovës.
Në një intervistë televizive Koka u shpreh se me anë të kësaj kërkese ‘do të ndihmojmë Kosovën në një krizë të mundshme ekonomike’.
“Rezoluta është konstatimi i panoramës së asaj që ka ndodhur, për të cilën mirë, keq, në fund fare të gjithë pajtohemi, megjithëse Edi Rama nuk u pajtua sepse iku dhe nuk e votoi. Praktikisht, ky është një tregues i besnikërisë në vazhdim ndaj Vuçiçit që ndodhta presioni i brendshëm e detyron ta bëjë një rezolutë të tillë, por votën në një rezolutë të tillë nuk e ka, dhe ky është fakti publik që ne njohim. Një gjë që mungon rezoluta, duhet të kishte një kërkesë të qartë për faktorin kombëtar për heqjen e sanksioneve ndaj Kosovës sepse ne vërtetë po flasim për atë që ka ndodhur por Kosova rrezikon realisht të ketë probleme ekonomike për shkak të sanksoneve të cilat janë vendosur për një situatë të cilën ajo e “përdori” për të kuptuar se kush është realisht Serbia.
Meqë rezoluta ishte konsensuale, asgjë nuk kushtonte që të paktën pjesë e kësaj të ishte dhe kërkesa për faktorin kombëtar dhe kjo duhet të jetë retorikë edhe e qeverisë shqiptare që ka kaloshinë diplomatike. Heqja e sanksioneve është shumë e rëndësishme në këtë momente.
Ka dy momente tek heqja e sanksioneve. E para punës: i japim një dorë Kosovës që do ta vuajë vendosjene sanksioneve brenda këtij viti dhe kjo do të shihet tek efekti ekonomik . E dyta: është një shembull ose një tregues që viktima nuk është xhelati. Ne këtë rezolutëm e bëmë kundër Serbisë por ne nuk presim të na dëgjojë Serbia, ne presim të na dëgjojë Bashkimi Europian dhe aleatët e Kosovës gjithashtu.”
