Një lis i madh është rrëzuar të mërkurën mbrëma në lagjen Dardania të Prishtinës, përkatësisht në rrugën “Ilaz Kodra”.
Sipas fotografive të shpërndara në rrjetet sociale, lisi i rrëzuar ka dëmtuar katër vetura të parkuara pranë tij.
Raportohet se janë shkaktuar dëme materiale tek veturat. Ndërkaq, nuk raportohet për persona të lënduar.
Pamje nga vendi i ngjarjes
Përveç dëmtimit të veturave, rënia e drurit ka bllokuar hyrjen për në parkingun e ndërtesave përreth, duke penguar lëvizjen e banorëve dhe automjeteve.
Banorët kanë njoftuar menjëherë policinë dhe ekipet emergjente për situatën.
Duhet kujtuar se si pasojë e erërave të forta, edhe në të kaluarën raste të rrëzimit të lisave në kryeqytet.
Pamje nga vendi i ngjarjes
Komuna kishte ndërmarrë veprime për t’i prerë lisat që konsiderohen të vjetër (paqëndrueshëm).
