Deputeti i LVV-së, Adnan Rrustemi duke folur për idenë e kryetarit të AAK-së që postin e kryeministrit ta ndajnë me rotacion me dy partitë tjera PDK e LDK, ka thënë se me këtë ata synojnë që në vitin e fundit të mandatit të bëjnë kryeministër edhe Goran Rakiqin, ish -kryetar i Listës Serbe.
Kjo pasi sipas tij, sepse të triat bashkë nuk mund ta formojnë Qeverinë pa Listën Serbe dhe se mandati ka katër vite.
Tutje, ai tha se partitë opozitare janë të gatshme që të bashkëpunojnë me Listën Serbe vetëm për ta penguar, dëmtuar dhe pamundësuar Albin Kurtin.
“Jo që nuk ka qenë e ditur në kuptim e lexuar dhe e nuhatur nga opinioni publik, por që e tha edhe publikisht. Një vitë unë kryeministër, një LDK, një PDK por që mandati i ka katër vjet dmth edhe një vit i mbet Listës Serbe. I mbet, pasi këta nuk mund të krijojnë Qeveri as edhe në situatën kur LVV le të themi nuk i fiton eventualisht mbi 61 deputet pa Listën Serbe. Këta janë të gatshëm me ta bë edhe Rakiqin kryeministër një vit vetëm për ta pamundësuar, dëmtuar dhe penguar Albin Kurtin” , ka deklaruar ai.
Tutje, Rrustemi tha se Lista Serbe prej vitit 2021 nuk e ka asnjë ndikim në asnjë vendim.
Kryetari i AAK-së, Ramush Haradinaj, ka propozuar udhëheqjen e Qeverisë me rotacion me dy partitë tjera opozitare, PDK dhe LDK.
Haradinaj në rtv21 tha se Albin Kurti, nuk është opsion për këtë bashkëpunim. Siç tha, Kurti nuk do të jetë më kryeministër.
