Deputeti i LDK-së, Berat Rukiqi, ka kritikuar qasjen e qeverisë në lidhje me koeficientin e pagave, duke e cilësuar atë si një përpjekje për të fituar vota dhe jo për të përmirësuar standardin e jetesës.
Rukiqi theksoi se për LDK-në, diskutimi mbi pagat është fokusuar në kushtet e jetesës së qytetarëve të Kosovës, ndërsa, sipas tij, kryeministri Albin Kurti po e shfrytëzon çështjen për përfitime elektorale.
“Për neve arsyeja kryesore pse ne e diskutojmë koeficientin e pagave është standardi i jetesës, për Kurtin nuk është standardi i jetesës është çështja e votuesve të tij ku po shkon. Ky është dallimi esencial, ai këtë e bën për të blerë votë, ne e bëjmë për me adresu standardin e dhe kushtet në të vilat jeton qytetari i Kosovës.
Ta kemi të qartë, ne për këtë e kemi bërë diskutim, jo për zgjedhje. Nëse rriten çmimet rriten pagat, po e them 150 koeficienti i pagave me ne në qeveri, plus vitet tjera kjo rregullohet me rritje ekonomike dhe të çmimeve”, ka deklaruar Rukiqi.
