Çdo person ka nevoja të ndryshme ditore për në tualet. Sa herë urinon varet nga shumë faktorë, duke përfshirë moshën, madhësinë e fshikëzës, sasinë e lëngjeve (ujë, kafe, lëngje, alkool) që konsumon etj. Megjithatë, ka një frekuencë mesatare, normale në të cilën duhet të shkojmë për urinim gjatë ditës. Cila është ajo?
Sa herë është normale të shkosh në tualet? A e dini përgjigjen? Mjekësia na këshillon.
Deri në 7 vizita në tualet në ditë konsiderohen normale. Natyrisht, nuk përjashtohet që vizitat të jenë deri në 10, pa treguar detyrimisht një mosfunksionim të sistemit urinar ose ndonjë dëmtim të organeve ngjitur që ndikojnë në rrjedhën e urinës.
Megjithatë, nëse dikush vëren se shkon në tualet më shpesh se zakonisht, është mirë të vizitojë mjekun e tij për një vlerësim.
Frekuenca mund të jetë një shenjë e thjeshtë e një fshikëze tepër aktive. Kjo do të thotë që fshikëza tkurret edhe kur nuk është e nevojshme, për shembull kur ka një sasi të vogël të urinës në të ose është shumë e ndjeshme.
Megjithatë, nëse shpeshtësia shoqërohet me simptoma të tjera, si djegie dhe dhimbje, atëherë mund të tregojë një infeksion të traktit urinar ose cistit./vizionplus.tv
