Në shkollën fillore “Sveti Sava” në Bijeljina, në Bosnje, serbët e atyshëm kanë realizuar një mural të njërit prej anëtarëve të grupit që sulmoi policinë në Kosovë më 24 shtator.
Nuk dihet nëse murali është miratuar nga qeveria e qytetit dhe kush është autori. Ajo që dihet është se në mural është Stefan Nedeljkoviç.
Ai paraqitet në mural me tre gishta të ngritur, ndërsa poshtë një pyll dhe disa shtëpi.
Kujtojmë se më 24 shtator në afërsi të vendbanimit Banjska ndodhi një sulm terrorist ndaj policisë së Kosovës, ku humbi jetën polici Afrim Bunjaku.
Tre sulmues u vranë gjithashtu nga reagimi neutralizues i trupave speciale kosovare. Njëri prej tyre ishte Nedeljkoviç, ndërsa dy të tjerët janë Bojan Mijailoviç dhe Igor Milenkoviç.
Shteti serb mbajti zi për ta, një akt që u dënua ashpër nga bashkësia ndërkombëtare.
