Një person është lënduar në Pogradec si pasojë e shpërthimit të një bombole gazi.
Policia thotë se ngjarja ka ndodhur rreth orës 13:15 në fshatin Rëmenj. I lënduari vrapoi drejt fqinjit për të shuar flakët, por dogji këmbën.
“Ngjarja ka ndodhur në banesën e shtetasit F. T. Ka shpërthyer një bombol gazi ku për pasojë ka djegur lehtë këmbën komshiu i tij, shtetasi B. K., që ka ndërhyrë për fikjen e zjarrit, i cili u dërgua për mjekim në spitalin e Pogradecit” thotë policia.
Grupi hetimor po punon për zbardhjen e rrethanave të ngjarjes.
