Për shekuj me radhë, bota e biznesit ka qenë e dominuar nga meshkujt, ku gratë rrallë njihen për arritjet e tyre. Pas ndeshjeve të vështira, kushtet kanë ndryshuar dukshëm. Megjithatë, ka ende shumë sfida dhe pabarazi që duhet të adresohen për të arritur barazinë e plotë gjinore. Sipas Human Rights Ëatch, vlerësohet se do të duhen edhe 286 vjet për të mbyllur hendekun gjinor global.
Por, vendet që kanë prioritet lirinë dhe barazinë e grave janë ato që përparojnë më shumë. Studimet e Fondit Monetar Ndërkombëtar zbulojnë se ulja e hendekut gjinor në tregjet e punës mund të çojë në një rritje të konsiderueshme të GDP-së në tregjet në zhvillim dhe ekonomitë në zhvillim, me rreth 8%.
Sipas therichest.com, këto janë gratë më të pasura në botë.
6. Rafaela Aponte-Diamond (MSC)
Pasuria neto: 34.2 miliardë dollarë
Raffaella Aponte-Diamond dhe bashkëshorti i saj, Gianluigi, janë themeluesit dhe bashkëpronarët e transportuesit më të madh të kontejnerëve në botë, duke zotëruar 50% të kompanisë. Pasuria e Rafaela Aponte-Diamond dëshmon sesi dashuria mund të kombinohet me sukses me botën e biznesit. Çifti u martua në vitin 1970 dhe së bashku ata themeluan Kompaninë Mesdhetare të Transportit (MSC), duke marrë një hua prej 200,000 dollarësh për anijen e tyre të parë, të cilën e quajtën Patricia. Sot, pas 54 vitesh, MSC është padiskutim kompania më e madhe e transportit të kontejnerëve për sa i përket madhësisë dhe tonazhit të flotës.
5. Savitri Jindal (Grupi Jindal)
Pasuria neto: 36.2 miliardë dollarë
Savitri Jindal, gruaja më e pasur në Indi, përshkruhet si një biznesmene mendjemprehtë dhe një figurë e rëndësishme politike. Në moshën 84-vjeçare, Jindal është kryetar i Grupit Jindal, kompania kryesore e çelikut, energjisë dhe infrastrukturës në Indi. Me një vlerë neto prej 36.2 miliardë dollarësh, familja Jindal përfaqëson një nga grupet financiare më të pasura të vendit.
Jindal mori frenat e familjes së saj dhe grupit pas rrëzimit tragjik të avionit të bashkëshortit të saj Om Prakash Jindal në 2005-ën. Katër djemtë e saj drejtojnë Jindal Group dhe kanë dyfishuar vlerën e tyre neto në një periudhë të shkurtër kohe.
4. Jacqueline Mars (Mars)
Pasuria neto: 39.1 miliardë dollarë
Jacqueline Mars, një biznesmene amerikane dhe mbesa e Frank Mars, themeluesit të kompanisë së ëmbëlsirave, ushqimeve për kafshët shtëpiake dhe produkteve të kujdesit Mars, po shfaqet si një nga gratë më të pasura në botë. Frank Mars thuhet se mbolli një farë 113 vjet më parë që u rrit në një nga “pemët e pasurisë” më të mëdha në skenën e biznesit amerikan. Kompania Mars tani vlen mbi 120 miliardë dollarë. Jacqueline zotëron një të tretën e kompanisë dhe tani është gruaja e katërt më e pasur në botë, me një pasuri të vlerësuar në 39.1 miliardë dollarë. Pas 20 vitesh punë, ajo u tërhoq përgjithmonë nga kompania Mars në 2001-shin, duke e fokusuar interesin e saj në një përpjekje filantropike jofitimprurëse, Fondacioni Mars. Në vitin 2019, Forbes e renditi atë si banoren më të pasur të shtetit të Virxhinias në atë kohë, me një vlerë neto prej 28.1 miliardë dollarë.
3. Julia Koch (Koch Industries)
Pasuria neto: 65.3 miliardë dollarë
Julia Koch, 62 vjeç, zotëron 42% të të ardhurave, rreth 125 miliardë dollarë të gjeneruara nga Koch Industries. Themeli i dinastisë Koch të përfshirë politikisht u hodh nga Fred Koch në vitin 1940. Fillimisht, Koch Industries ishte kompania e dytë private më e madhe në Shtetet e Bashkuara dhe e angazhuar në procese inovative të përpunimit të naftës. Më vonë, kompania diversifikoi interesat e saj industriale duke blerë një mori filiale për rafinimin, prodhimin dhe shpërndarjen e vajrave, kimikateve, mineraleve dhe plehrave.
Julia, gruaja e tretë më e pasur në botë, është e veja e David Koch, i cili vdiq në vitin 2019 nga kanceri i prostatës. Para martesës së tyre, ajo ishte një stiliste e famshme me klientë të profilit të lartë, duke përfshirë ish-Zonjën e Parë Nancy Reagan.
2. Alice Walton (Walmart)
Pasuria neto: 71.1 miliardë dollarë
Vlera e Alice Ëalton u rrit pasi çmimi i aksioneve të Ëalmart u rrit me 34%. Një vit më parë, pasuria neto e Alice Ëalton ishte 56.7 miliardë dollarë. Me suksesin e Ëalmart, pasuria e saj është rritur ndjeshëm në 71.1 miliardë dollarë.
Ëalmart ka qenë gjeneruesja më e madhe e të ardhurave në botë për dekadën e fundit. Sipas një raporti të fitimeve të brendshme, të ardhurat totale të kompanisë arritën në 611.3 miliardë dollarë në vitin fiskal 2022. Në raportin e saj të ardhshëm të të ardhurave për vitin 2023, të ardhurat u rritën në 648.1 miliardë dollarë, 6% dhe 36.8 miliardë më shumë se 2022.
1. François Betancourt Meyers (L’Oréal)
Pasuria neto: 94.7 miliardë dollarë
Manjatja franceze e biznesit Françoise Bettencourt Meyers, 70 vjeçe, është në rrugën e duhur për t’u bërë gruaja e parë që thyen vlerën neto prej 100 miliardë dollarësh. Kimisti Essen Seller themeloi markën e bukurisë dhe mirëqenies L’Oréal në vitin 1909. Tani, pas 115 vitesh në industri, mbesa e François është gruaja më e pasur në botë. Trashëgimtarja e vetme e Liliane Bettencourt, gruaja e mëparshme më e pasur në botë, tani zotëron rreth 35% të kompanisë.
Në vitin 2023, të ardhurat totale të L’Oréal arritën në 44 miliardë dollarë. Edhe pse Françoise është gruaja më e pasur në botë sot, ajo është e pesëmbëdhjeta në listën e njerëzve më të pasur në botë.
