Në Shtetet e Bashkuara të Amerikës në disa shtete janë hapur qendrat e votimit për zgjedhjet presidenciale ku në garë janë Kamala Harris dhe Donald Trump.
BBC ka publikuar të dhëna se si funksionin sistemi zgjedhor dhe si përcaktohet fituesi.
ADVERTISEMENT
Presidenti i ardhshëm i SHBA-së përcaktohet nga cili kandidat do të fitojë shumicën në Kolegjin Zgjedhor . Secilit shtet i ndahet një numër votash kolegji elektoral në varësi të popullsisë së tij. Në të gjithë SHBA-në ka gjithsej 538 vota të kolegjit elektoral. Në 48 nga 50 shtetet, kandidatit që fiton më shumë vota individuale i jepen të gjitha votat e kolegjit të tij elektoral. Kandidati fitues duhet të marrë shumicën e tyre – pra të paktën 270.
Kur do të shpallen rezultatet?
Kjo është një pyetje e ndërlikuar, dhe përgjigja është – “kjo varet” . Disa shtete mund t’i kthejnë rezultatet mjaft shpejt, por për shumë mund të jetë një proces i gjatë – veçanërisht nëse ka një numër të madh votash të parakohshme dhe me postë, të cilat numërohen natën pas atyre të hedhura personalisht. Në zgjedhjet e fundit presidenciale në SHBA në vitin 2020, vetëm të shtunën pas ditës së votimit mediat amerikane kishin mjaft besim për të shpallur rezultatin.
Ndërsa detyrën presidenti i ri pritet ta marrë të hënën më 20 janar 2025.
