Ish-banorja e spektaklit televiziv “BBV2”, Olta Gixhari, ka qenë tepër aktive në rrjetet sociale, duke ndarë momente nga përditshmëria, me ndjekësit e saj.
Ditën e enjte, ajo ka vendosur të bëjë një bisedë me dashamirësit e saj virtualë ku ata pyesnin dhe aktorja nuk nguroi të përgjigjej.
Një ndër pyetjet e bëra ishte dhe se si është ndjerë kur ka mësuar pas daljes nga BBV, gjysma e shqiptarëve e urrenin.
Olta është përgjigjur me sportivitet duke u shprehur se e donte gjysma tjetër.
“U lumturova shumë, që e para kisha gjysmën tjetër të shqiptarëve, dhe që kisha shkaktuar ndjesi kaq të forta si dashuri-urrejtje, pasi është pika më e lartë e suksesit që mund të mbërrihet nga një reality-shoë. Por mos harroni që një fije e hollë i ndan, se kur dola të gjithë më donin përsëri brenda shtëpisë”, ka shkruar ajo.
