Ish-ambasadori Agim Nesho ishte këtë të enjte në Euronews Albania ku komentoi mesazhet e sekretarit të shteit Antony Blinken ët dhëna në një konferencë të përbashkët me kryeministrin Rama.
Ai tha se sa i takon mesazhit për Kosovën, Rama doduhet të kishte qenë më tepër pro Kosovës dhe kryeministrit Kurti, pasi në fund të fundit Kosova ka për të detyrë të mbrojë kushtetutshmërinë e saj, e sipas ish-ambasadorit, ajo po përpiqet të bëjë këtë.
“Mesazhi i parë që më tepër ka pasur interes Rama se zoti Blinken është mesazhi për Kosovën. pati disa nuanca që për mua duket se ishin të shfrytëzohej kjo situatë për të marrë Rama një lidership që i mungon. Ishte një sinjal për Kurtin dhe Kosovën. Por Shqipëria nuk ka pozicion, ka një klientelizëm, një favorizëm të asaj që thonë ndërkombëtarët dhe nuk ka ndihmuar atë që duhet të thotë Kosova.
Nuk i takon zotit Rama që Kurti të mos dëgjojë perëndimin për disa vota. Pozicioni i zotit Rama duhet të ishte pro pozicionit të Kosovës dhe zotit Kurti, sepse detyra e Kosovës është të respektojë kushtetutën e Kosovës dhe të mbrojë sovranitetin e vendit”, tha Agim Nesho.
