Është suspenduar për gjashtë muaj Ilmi Tahiri, punëtori teknik i shkollës “Xheladin Rekaliu” në Podujevë. Suspendimi i tij erdhi pasi ai dha një intervistë për një nga mediat në Kosovë duke treguar hallet e shkollës ku ai punonte.
Mes tyre ai ka publikuar edhe disa pamje të minjëve në shkollë dhe është ankuar që nuk ka mjete higjienike.
Në vendimin për suspendim thuhet që i njëjti ka dhënë dezinformata në media.
Vendimi
Në një intervistë për Insajderin, Tahiri kishte deklaruar që nuk kanë mjete higjienike për pastrimin e shkollës.
Këto ankesa Tahiri i ka drejtuar për menaxhmetin e shkollës por edhe ndaj drejtorisë së arsimit.
Për Insajderin ai kishte thënë se është e dyta herë kur ai merr bluzën e tij të brendshme për të pastruar bankat e shkollës në fjalë. Këtë gjendje ai e ka përshkruar si të tmerrshme.
