Tahiri e quan “për gjynah” deklaratën e Kusari-Lilës për Ramush Haradinajn
”Deklaratë për gjynah“, kështu e ka quajtur shefi i grupit parlamentar të AAK-së, Besnik Tahiri deklaratën e Mimoza Kusari-Lilës, shefe e grupit parlamentar të Vetëvendosje.
Kjo e fundit, të mërkurën me ironi ka thënë se “cilat ministri i dëshiron Ramush Haradinaj”, duke iu referuar deklaratat të këtij të fundit për qeverinë gjithëpërfshirëse – për shkak të situatës në Kuvend.
”Kjo deklaratë është për gjynah, me të ardhur keq për një njeri që e udhëheqë një grup parlamentar. Kur s’ki argumente ti e përdor cinizmin“, ka deklaruar Tahiri te DPT te Fidani në T7.
Ai ka thënë se Vetëvendosja e ka një strategji, kur i duhen votat në parlament e ndryshon qasjen.
E për këtë parti që e drejton qeverinë ai kishte kritika. Thotë se Albin Kurti po keq qeverisë.
”Nuk ka temë më të rëndësishme ku të rinjet nuk shohin të ardhme këtu“, ka thënë Tahiri.
