Shefi i Grupit Parlamentar të Aleancës për Ardhmërinë e Kosovës, Besnik Tahiri ka thënë se kronologjikisht kryeministri Albin Kurti çdo vendim që e ka marrë e ka tërhjekë më pas.
Për këtë Tahiri tha se Kurti i ka sjellë shumë dëme Kosovës me këtë siç e quajti ai eksperiment.
“Kryeministri Kurti i ka sjellë shumë dëm Kosovës me këtë eksperiment. Eksperimenti nisë prej tabelave prej përshkallëzimit të gjobave, pastaj nuk ka vetura, dhe në një moment të caktuar ai lëshoj pe dhe ra ajo krejt. Pastaj ishte ajo hyrja e parë me Polici dhe zbrapsja, pastaj ishte krejt procesi i organizimit të zgjedhjeve. Tash po thotë duhet me pasë një peticion me shku në zgjedhje të jashtëzakonshme. Kronologjia është që në çdo vendim që ky e ka marrë e ka hjekë”, tha ai.
Tahiri theksoi se Kurti në takimin e 26 nëntorit me liderët evropianë, i ka dhënë një “të shtyme” Kosovës, por që ai tha se nuk mundet të kuptoj se si draftin e ofruar nga BE-ja dhe ShBA-të, ta kenë të gjitha Ambasadat e Kosovës e opozita mos me e pa këtë dokument.
“Me datën 26 do të thotë Albini, kryeministri i Kosovës ia dha një të shtymë Kosovës, për shkak se e qiti në një pozicion.. se ishte në një pozicion defanziv. Mirëpo unë nuk kuptoj sinqerisht mundohem me qenë racional, prej natyrës jam njeri i arsyeshëm, qysh ka mundësi me e marrë një draft me pa krejt ambasadat e Kosovës, krejt ambasadat e huaja me pasë atë draft. Qysh është e mundshme do me thënë me pasë njerëzit që ky i ka akuzu Lajçakun, Borrellin, qysh është e mundshme me thënë, e tha kolegja prej Vetëvendosjes tha e kena pa në Vetëvendosje. Dhe këtë dokument që është dokument zyrtarë, Arben Gashi e lypi me një kërkesë zyrtare, nuk e ka pa AAK-ja, as PDK-ja, as LDK-ja”.
“Në kushte normale është dashtë me na ardhë një njeri prej zyrës së zv.kryeministrit Bislimi me thirrë Besnik Tahirin, Abelard Tahirin, Arben Gashin se nuk është e vërtetë që ne nuk folim. Ne folim si të dalim andej mbrapa krejt me deputetë. Pra a ka mundësi me u taku, mere lexoje me dy tre ekspertë na nuk dimë çka është ai”, shtoi Tahiri.
Ndryshe kryeministri Albin Kurti, tha se pavarësisht festës së tij, Serbia ka refuzuar të nënshkruajë marrëveshjen dhe draftin e 21 tetorit.
Kurti, ka bërë të ditur se presidenti i Serbisë, Aleksandër Vuçiq, ka kërkuar një letër anësore që do të anulonte tri parime të marrëveshjes themelore, Aneksin dhe propozimin e 21 tetorit.
Qeveria theksoi se kryeministri Kurti ka thënë se “pranimi nënkupton nënshkrim, vetëm nënshkrimi nënkupton pranimin dhe garanton zbatimin”.
