2
Sekretarja e Përgjithshme e Partisë Demokratike të Kosovës (PDK), Vlora Çitaku, ka deklaruar se raporti i Kosovës me Shtetet e Bashkuara të Amerikës nuk ka qenë dhe nuk duhet të jetë transaksional.
Duke iu referuar tarifave që aktualisht ekzistojnë ndaj produkteve amerikane, Çitaku i ka quajtur ato mbetje të së kaluarës administrative të UNMIK-ut. Ajo ka premtuar se nëse PDK merr drejtimin e qeverisë, ato tarifa do të hiqen menjëherë.
“Ky nuk është vetëm një akt politik i mençur – është një hap drejt një ekonomie më të hapur, më të fuqishme dhe më konkurruese. Është një angazhim për partneritet të vërtetë, që i shërben qytetarëve tanë, bizneseve tona dhe zhvillimit të vendit”, ka theksuar ajo.
“Mbështetja që SHBA i ka dhënë Kosovës nuk matet me para. Ajo është ndërtuar mbi vlera të përbashkëta: liria, demokracia, dhe e drejta e popujve për të jetuar të lirë dhe të barabartë”, ka shkruar Çitaku në ‘Facebook’.
Sipas saj, heqja e tarifave është akt drejt një ekonomie më të hapur.
