Një ndeshje e Primera B në Kili është ndërprerë nga tërmeti i fuqishëm me magnitudë 5.6 në shkallën Rihter.
Ndeshja mes Deporte Recoleta dhe Deporte Temuco po zhvillohej në kryeqytetin Santiago, në momentin që tëermeti goditi vendin. Një video e postuar në rrjete sociale nga TNT Sports Chile tregon kamerat që dridhen gjatë lëkundjeve dhe ndeshjen që ndërpritet afër fundit të pjesës së parë.
Pasi topi del jashtë loje, lojtarët duken të konfuzuar duke mos ditur se çfarë të bëjnë. Megjithatë, ndeshja u ndërpre vetëm për disa minuta dhe më pas gjyqtari sinjalizoi sërish fillimin e takimit.
Kili ndodhet në pllakën e Amerikës së Jugut dhe kufizohet në perëndim me pllakën Nazca, e cila po zhytet nën vijën bregdetare të shtetit latin, duke bërë që tërmetet të jenë të shpeshta dhe nganjëherë me magnitudë të lartë.
Tërmeti më i madh që ka goditur Kilin është ai i 22 majit të vitit 1960 me një magnitudë 9.5 ballë, e cila është më e madhja e regjistruar në botë. Tërmeti la dy milionë njerëz të pastrehë, të paktën 3000 të plagosur dhe rreth 1655 të vrarë.
🫨⚽🏟️ ¡Tranquilidad muchachos!
En plena transmisión del #RECvsTEMxTNTSports, nuestras cámaras captaron el temblor que se percibió en la zona centro del país.
Disfruta de lo mejor de nuestro fútbol en Estadio TNT Sports 💻 . Revisa más en nuestro link en la bio 📍 pic.twitter.com/ErBkkrazo3
— TNT Sports Chile (@TNTSportsCL) July 9, 2023
