Myftiu i Kosovës Naim Tërnava, ka reaguar pas bombardimit të spitalit në Gaza ku raportohet se kanë vdekur mbi 400 persona, në mesin e të cilëve gra dhe fëmijë.
Tërnava e dënoi ashpër aktin dhe e quajti krim kundër njerëzimit.
Ai tha dhuna duhet të ndalohet dhe të parandalohet Holokausti i ri.
“Ftoj botën demokratike e qytetëruese, që të ndërmarrë hapa e të veprojë me shpejtësi në parandalimin e një kasaphaneje në Gaza, për të cilën do të jemi përgjegjës që të gjithë. Duhet gjetur mundësitë e premisat për ndaljen e luftimeve, kthimin në dialog e marrëveshje, si dhe rrugën për jetë në paqe e qetësi për të dy popujt”, tha myftiu Tërnava.
