Mbesa e njërit prej policëve të kidnapuar në veri, Beqir Sefës, ka bërë një reagim në profilin e saj në Facebook duke u shprehur e shqetësuar për atë që kishte ndodhur.
Ajo ka shkruar në anglisht se kishte qenë në një takim në Parlamentin Evropian mes grupit të Socialistëve dhe Demokratëve kur e kishte kuptuar se xhaxhai i saj i ishte kidnapuar.
“Presidentja e përmendi incidentin në fjalët e saj hapëse dhe unë isha thellësisht e tronditur, të kuptoja se familja ime ishte prekur nga ky konflikt përsëri.” – shkroi znj. Sefa.
Nora Sefa ka treguar se edhe në dhjetorin e vitit të kaluar që i njëjti, Beqir Sefa, kishte qenë i ngujuar në Leposaviq për tri javë nën kushte të rënda shkaku i barrikadave të grupeve kriminale në veri të vendit.
“Deri tash nuk di asgjë për vendndodhjen e axhës sim.” – shton tutje ajo.
“Bota sot” kishte raportuar gjerësisht në disa rast për këtë ngujim në atë kohë.
Statusi i plotë në gjuhën angleze:
