Kryetari i AAK-së, Ramush Haradinaj është shprehur i prekur nga vdekja e nënës së dëshmorit Fatmir Nimanaj.
Haradinaj u ka shprehur ngushëllime familjarëve dhe “të gjithë atyre që e njohën nga afër nënën Nushë”.
“I prekur nga lajmi për kalimin në amshim të nënës Nushë, nënës së Heroit, Fatmir Nimanaj, luftëtarit të ditëve të para të UÇK-së. Një nënë fisnike e bujare që lindi e rriti një trim dhe luftëtar të paepur të lirisë si Fatmiri, e meriton respektin tonë të përjetshëm”, shkroi Haradinaj.
“Ngushëllime të sinqerta familjes Nimanaj dhe të gjithë atyre që e njohën nga afër nënën Nushë. Pushoftë e qetë në tokën e Kosovës!”, shtoi ai.
