Veriu i bindet Vuçiqit, nga nesër do të aplikojë orë policore prej 17:00 deri në 05:00

Pas propozimit të kryetarit të Serbisë, Aleksandar Viçiq, që nga e diela në Serbi të aplikohet ora policore nga ora 17:00 – 05:00 të mëngjesit, pritet që edhe në veri të Kosovës të aplikohet një masë e tillë.

Burime të KosovaPress-it bëjnë të ditur se shtabi i krizës në veri të Mitrovicës, do të mblidhet sonte në ora 20:00 për të marr vendim rreth propozimit të kryetarit të Serbisë, i cili para një ore, gjatë një konference për media, ka bërë të ditur për masa të reja rreth mbrojtjes nga virusi corona.

Kjo masë do të vlejë për katër komunat veriore, Leposaviq, Zveqan, Zubin Potok dhe Mitrovicë Veriore.

Ndryshe, veriu i vendit para dy ditësh ka shpallur gjendje të jashtëzakonshme në atë pjesë, duke aplikuar edhe kufizimin e lëvizjes nga ora 20:00- 05:00.

Deri tani në Kosovë janë konfirmuar 28 raste pozitive me koronavirus.