Zëdhënës i policisë rajonale në Prizren, Shaqir Bytyqi ka njoftuar se mëngjesin e sotëm ka ndodhur një vetaksident në rrugën Carralevë- Duhël.
Sipas tij, aksidenti ka ndodhur rreth orës 07:20.
“Si pasojë e aksidentit ka dëme materiale dhe shoferi ka pësuar lëndime e është në drejtim të emergjencës. Policia janë në vendngjarje dhe janë duke u marr me rastin”.
Ai thotë se në vetaksident është përfshirë një kamion i madh dhe si pasojë rruga është bllokuar.
“Me rëndësi është të informohen qytetarët se në vetë aksident është i përfshirë një kamion i madh kështu që rruga është e bllokuar derisa të mund të largohet kamioni”.
