Shqipëria mori një fitore historike ndaj Polonisë me rezultatin 2-0, duke hedhur një hap të madh drejt kualifikimit për në Europianin e vitit 2024.
Kuqezinjtë e drejtuar nga Silvinjo, veç fitores morën edhe vendin e parë në grup, duke iu bërë një dhuratë edhe 22 mijë tifozëve që ishin në stadium.
Pas përfundimit të takimit, festa në stadium ka zgjatur edhe për disa minuta të tjera. Futbollistët së bashku me tifozët, kanë festuar nën ritmet e këngës “Mora Fjalë”, dedikuar heroit Adem Jashari.
