Një burg në shtetin brazilian të Santa Cantarina i zëvendësoi kohët e fundit qentë e tij roje me një tufë patash që supozohet se bëjnë zhurma të forta kur zbulojnë zhurma të çuditshme, si psh kur dikush përpiqet të arratiset.
Në ditët e sotme, komplekset e burgjeve kanë sisteme më të fundit zbulimi që e bëjnë shumë të vështirë për të burgosurit të shpëtojnë pa u zbuluar. Megjithatë, pavarësisht nga përparimet teknologjike, është gjithmonë ide e mirë që të jetë edhe një sistem rezervë zbulimi analog, në rast se gjërat e sofistikuara nuk arrijnRojet dhe qentë e rojeve janë zakonisht normë, por disa burgje po përdorin disa alternativa të pamundura.
Për shembull, disa burgje në Brazil kanë zëvendësuar qentë roje me pata, të cilat sipas tyre janë jo vetëm po aq efektive, për të mos thënë më shumë, por edhe më të lira për t’u ushqyer. Me sa duket, patat kanë dëgjim shumë të mirë dhe bëjnë zhurma të forta sa herë që zbulojnë zhurma të çuditshme, duke i ngritur në alarm kështu gardianët.
“Ne kemi mbikëqyrje elektronike, mbikëqyrje personale … dhe më në fund edhe mbikëqyrje nga patat, të cilat zëvendësuan qentë,” tha drejtori i burgut Marcos Roberto de Souza për Reuters. “Nata është shumë e qetë. Edhe ditën siç mund ta shihni është një vend shumë i heshtur… Kjo hapësira e favorizon këtë lloj sigurie në rastin e patave.”
Kështu që tani tufa e “patave gardiane” po patrullon një hapësirë midis gardhit të brendshëm të burgut dhe murit kryesor të jashtëm.
